Roccaw zeitu
Ccungccaw blyng nih Roccaw zei te nungku aho. Roccaw cipaw tuh, ccungccaw lukheih te asei kawhpaw peikipaw phuinphuin, na min, na innbyng te na puithua, na nung te na paw, na khua te na ram, na umnaw, na ryalaw naw te namaw na kunglang blyng, ccungccaw blyng nyngsah ryte zeipaw ccaw hynh, Roccaw cite ko thuazah, tu e Roccaw nazei paw tuh zungzae atyngpaw namaw te asei kawhpaw Roccaw nih athua vae.
Tuhaw te, minphuin halang te abuu halang ryalatu athuapaw, community te organization hae nih zeimah, mihmaw ryalaw nawte asei kawhpaw cisahnaw te tuanaw, raenaw blyng khah, zapi ccungccaw thaesah nyngsah buary te thuasa, azo avae leilang ccouku ryzei thuasah, Roccaw hynh zeiphung nih athua.
Langmaw lyazei roccaw hynh, thing te long kya thuasah, langmaw ccungccaw haenih innlang alah mang haepaw longkarung te chiakarung thuasah, lahzei haezah, tuky te ccungccaw nih raepaw longccaw, thingccaw te ccahnaw Roccaw cite sei te kum rulae kuhaw te aru lae kupaw hynh muih athua.
Atu nin computer thyahawnaw seite internet seikya, thing te long kya zei hovae khyh. Azo avae te arothya paw ccahnaw kya zeite sua thingkua kyamah ccouku hovae khyh.
Ccungccaw blyng nih Roccaw zei te nungku aho. Roccaw cipaw tuh, ccungccaw lukheih te asei kawhpaw peikipaw phuinphuin, na min, na innbyng te na puithua, na nung te na paw, na khua te na ram, na umnaw, na ryalaw naw te namaw na kunglang blyng, ccungccaw blyng nyngsah ryte zeipaw ccaw hynh, Roccaw cite ko thuazah, tu e Roccaw nazei paw tuh zungzae atyngpaw namaw te asei kawhpaw Roccaw nih athua vae.
Tuhaw te, minphuin halang te abuu halang ryalatu athuapaw, community te organization hae nih zeimah, mihmaw ryalaw nawte asei kawhpaw cisahnaw te tuanaw, raenaw blyng khah, zapi ccungccaw thaesah nyngsah buary te thuasa, azo avae leilang ccouku ryzei thuasah, Roccaw hynh zeiphung nih athua.
Langmaw lyazei roccaw hynh, thing te long kya thuasah, langmaw ccungccaw haenih innlang alah mang haepaw longkarung te chiakarung thuasah, lahzei haezah, tuky te ccungccaw nih raepaw longccaw, thingccaw te ccahnaw Roccaw cite sei te kum rulae kuhaw te aru lae kupaw hynh muih athua.
Atu nin computer thyahawnaw seite internet seikya, thing te long kya zei hovae khyh. Azo avae te arothya paw ccahnaw kya zeite sua thingkua kyamah ccouku hovae khyh.
Computer seikya computer kya zeibua langzah, internet sei kya internet kya ccouku buapaw Roccaw ry nih, zokho, vaekho, rokho leite zungzae atyng vaecih cipaw muih athua keiccuzei, Zotung Uno hae blyng nih peikipaw Roccaw phuinphuin zei te ccouku nawlang cite hynh Roccaw zeinaw blogger hynh raepaw athua.
No comments:
Post a Comment